viernes, 22 de octubre de 2010

23 otubre 2010: chornada internazional de luita por l'espatolochizazión d'as identidatz trans



ARAGONÉS

A benién Chornada Internazional de Luita por l'Espatolochizazión d'as Identidatz Trans acayezerá o 23 de otubre de 2010 en ziudatz de diferentz continentes.

Dica la calendata, han confirmau a suya partezipazión as beniens ziudatz: lbacete, Alicante, Ames, Amsterdam, Ankara, Asunción, Bangkok, Barcelona, Barquisimeto, Berlín, Bilbao, Bogotá, Bolonia, Bruselas, Budapest, Buenos Aires, Caracas, Ciudad del Cabo, Ciudad de México, Compostela, Concepción (Chile), Córdoba (Argentina), Corunha, Curicó, Donostia, Estambul, Estocolmo, Gaborone, Gasteiz, Granada, Guayaquil, Hamburgo, Jaén, Las Palmas de Gran Canaria, Lille, Lima, Lisboa, Ludwigsburg, Madrid, Managua, Manila, Maracaibo, Mumbai, Murcia, Nueva York, Ondarroa, París, Porlamar, Puerto Ordaz, Quito, Salta, San Francisco, San Juan, San Salvador, Santiago de Chile, Úbeda, Ulaanbaatar, Valencia, Zaragoza.

¡E a combocatoria contina ubierta!

Si quiers formar parti d'a campaña e mobilizar-te-ne en a tuya ziudat u ta cualsiquier dandalia, demanda, repunte, apegalladura, ganas... escribe-nos a contact@stp2012.info u grita-nos a o telefono (+34) 668 81 78 72.

¡a luita contina!







CASTELLÁN

La próxima Jornada Internacional de Lucha por la Despatologización de las Identidades Trans tendrá lugar el 23 de octubre de 2010 en ciudades de diferentes continentes.

Hasta la fecha, han confirmado su participación las siguientes ciudades: Alicante, Ames, Amsterdam, Ankara, Bangkok, Barcelona, Berlín, Bilbao, Bogotá, Bolonia, Bruselas, Budapest, Buenos Aires, Caracas, Ciudad del Cabo, Ciudad de México, Compostela, Córdoba (Argentina), Curicó, Donostia, Estambul, Estocolmo, Gaborone, Gasteiz, Granada, Guayaquil, Jaén, Las Palmas de Gran Canaria, Lille, Lima, Lisboa, Ludwigsburg, Madrid, Managua, Manila, Mumbai, Murcia, Nueva York, París, Quito, Salta, San Francisco, San Salvador, Santiago de Chile, Úbeda, Ulaanbaatar, Valencia, Zaragoza.

¡Y la convocatoria sigue abierta!

Si quieres formar parte de la campaña y movilizarte en tu ciudad o para cualquier duda, pregunta, apoyo, adhesión, ánimos... escríbenos a contact@stp2012.info o llámanos al (+34) 668 81 78 72.

¡La lucha sigue!



ESPLANICADURA/MANIFIESTO:

(aragonés)

Esplanicadura d’a Rete Estatal por l’Espatolochizazión Trans
23 de Otubre de 2010
¡Continamos resistindo!
Un año más dando argumentos ta esfender a nuestra libertat, buscando alternatibas, construyindo puens ta dialogar. Sin dembargo a terrible maquinaria merica e pulitica contina, l’estigmatizazión d’as personas trans contina. Como si considerar a nuestra identidat de chenero como patolochica mos aduyase en cualcosa, como si reyalment importase a nuestra salut mental.
O trestuque de identidat de chenero no esiste pas. O que sí esiste ye a transfobia.
Mos estudean, mos tocan, mos esplanican o que mos acayeze, mos fan mils de prebatinas ta buscar a causa d’o nuestro terrible mal, mos analisan, mos abatanan, mos biolan. Mos tratan como a ninos e mos matan como a cochos. De diyas mos odian e de nueis mos mercan.
Pero no pueden con nusatrxs, continamos aquí, estricallando lo silenzio e resistindo a la biolenzia, a d’os trucazos e a d’as parolas, con enrabia pero con pedagochía, texendo una rete que mos mantenga a flote. ¡Continamos aquí!
O discurso d’a patolochizazión se ha esblodregau, lo hemos esboldregau meyant a entimadura d’istas terapias año de zaga d’año. Ya no bi ha desincusas que balgan. Bi ha ideyas que ya no pueden esfender-se pas.
Autibistas trans de tot o mundo, de diferens continens e ziudatz, tornamos a salir t’a carrera ta demandar l’espatolochizazión trans, baixo lo lema “As identidatz trans no son pas una malotía”. Entimamos que encara güe, en plen sieglo XXI, as identidatz trans, transesuals, transchenero, trabestis continen presens como “incongruyenzia de chenero” u “trestuque de trabestismo” n’o rezient publicau borrador d’o DSM-5. Desiximos a escatalogadura d’os trestuques de identidat de chenero d’os catalogos internazionals de malotías (DSM e CIE) e luitamos por o dreito a dezidir con autonomía sobre os nuestros propios cuerpos.
Remeramos que l’espatolochizazión no puede embrecar en dengún caso que as personas trans pierdan os suyos dreitos sanitarios. Desiximos una ficazio sanitaria trans-espezifica publicament cubierta.
O dreito a la identidat de chenero e a la cubridura sanitaria publica d’as personas trans son dreitos umans alazetals e no deberiban de estar escluyens. Reibindicamos o dreito a una reconoxedura legal d’o nome e chenero eslexíu sin amenistanza de un diannostico e/u tratamiento merico, ormonal u quirurxico. Naide puede dezidir sobre a identidat de chenero de atra persona.
As nuestras demandas son plateras:
1. A retirada d’o TIG d’os manuals internazionals de diannostico (as suyas beniens bersions DSM-V e CIE-11).
2. L’abolizión d’os tratamientos de normalizazión binaria a personas intersecs.
3. O libre azeso a os tratamientos ormonals e a las zruxías (sin tutela siquiatrica).
4. A cubridura sanitaria publica d’o prozeso de reasinnazión de chenero.
5. A luita contra la transfobia: o treballo t’a formazión educatiba e a inserzión sozial e laboral d’as personas trans, asinas como a besibilizazión e entimadura de toda mena de transfobia instituzional u sozial.
A ran estatal, desiximos a o gubierno que asuma las nuestras demandas, que cuente con a partezipazión de tot l’espetro de coleutibos e autibistas trans ascuitando tamién as posizions mas creticas e que dixe de reyalizar estranias maniobras cosmeticas ta salbar a suya imachen. O pasau mes de Chunio a Menistra de Igualdat dizió publicament que no se puede estraficar que se contine considerando a las personas trans como personas malaudas. Paradoxicament, o Gubierno no ha dau dengún trango ta modificar l’autual Lai 3/2007, conoxida como Lai “de Identidat de Chenero”, que mos contina patolochizando.
Antimás, demandamos a retirada d’a menzión de secso n’os decumens ofizials publicos. Ye un dato obsoleto, e a suya presenzia no se chustifica de garra traza n’un decument de identidat, antimás de estar un entrepuz en a bida cutiana de muitas personas trans.
De zagueras, le demandamos a o Gubierno que albandone o suyo rol colonizador con o que tutoriza las puliticas LGTB en America Latina. Dende os países ozidentals, se continan esportando os discursos mericos biolentos e patolochizantes, aumentando lo risque de biolenzia transfobica e metendo en perigro identidatz e esprisions de chenero dibersas en diferens puestos d’o mundo.
Os nuestros nomes, os nuestros cuerpos, as nuestras bidas son nomás nuestras.
¡Continaremos resistindo!
Red Estatal por la Despatologización Trans, 23 de octubre de 2010
Rete Estatal por l’Espatolochizazión Trans, 23 de otubre de 2010

No hay comentarios: