6na ARROCLADA RETE D'ESCONTROL DE CHENERO Y SECSUAL

madrid, bilbo, barcelona, roma, marseille ... y zaragoza!




6na ARROCLADA RETE D'ESCONTROL DE CHENERO Y SECSUAL

8-9-10 MAYO 2009

Ista añada en que se remera o cuaranta cabo d'año d'a enrestida de stonewall de 1969 que libró lo que güe conoixemos como lo diya de l'argüello gai, dibersos coleutibos transmaribollos estaremos de planta os diyas 8, 9 y 10 de mayo de 2009 en Zaragoza. Femos una arroclada que enrastra con as que lebamos reyalizando dende 2006 en Madrit, Bilbo, Barzelona, Roma y Marsella, por a Rete d'Escontrol de Chenero y Secsual, buedo do confluyimos mas que mas collas transmaribolleras de Galiza, Euskal Herria, Catalunya, Portugal, Madrid, La Rioja y Aragón. Ista añada stonewall asume o compromís d'a organizazión de l'arroclada en zaragoza.
En ista arroclada de debatirán menas como los dreitos d'as presonas transmaribolleras migrans o d'as que'n son n'a garchola, a luita contra la considerazión d'a transesualidat como malauda por l'autual gubierno y a ran entrenazional, a cretic a la mercantilizazión d'as manifestazions d'o diya de "l'Argüello" lgtb+, u a esfensa debán d'as enfiladuras lgtbfobas reyalizadas por o Baticano y a cherarquía catolica.

A la fin de guaranziar a pluralidat d'os debatz y a no incherenzia d'intreses partidistas n'a mesma, ista arroclada se zelebrará de traza independién a os "Encuentros Estatales lgtb".

Os coleutobos transmaribolleros que repuntamos a reyalizazión d'ista arroclada semos:
CATALUNYA: Col.lectiu Gay de Barcelona - Guerrilla Travolaka
GALIZA: Maribolheras Precarias - Panteras Rosas Compostela - Trans-Galiza
PORTUGAL - Panteras Rosas Lisboa - Panteras Rosas Porto
MADRID: Acera del Frente
EUSKAL HERRIA: Queer Ekintza - MassMedeak - 7 menos 20 - Ehgam-Araba - Ehgam-Bizkaia - Ehgam-Gipuzkoa - Medeak - TransMedeak - LadyFest
LA RIOJA: Orgullolgtb
ARAGÓN: Stonewall - Towanda - D-Generadas - Lasdel8 - TNT.Trans-tornados


RESUMEN DE L'ARROCLADA:
(pillau d'o blog transmaribollero)

Os pasaus 8, 9 e 10 de mayo se zelebró en Zaragoza una nueba arroclada global d'a Rete por l'escontrol de chenero e secsual, un buedo n'o que partezipamos as estongüalenses y an confluyen diferens collas y esperienzias autibistas trans, queer, feministas y maribollos. De zaga d'as arrocladas reyalizadas dende 2006 (Madrid, Barcelona, Roma, Marseille) o de Zaragoza s'emplantillaba como enfortimiento d'as semellanzas i ringleras de treballo en común que fuoron frutificando istas dos añadas.

O comenzipio de l'arroclada enzetó con dibersas dinamicas tanto ta integrar y conoixer a las nuebas collas que empezipian a partezipar como ta meter en común o treballo reyalizau y definir estratexias coleutibas y de treballo en rete.

O sabado quedoron ya definius 4 exes alazetals de treballo: luita migrán, mercantilizazión d'as nuestras sesualidaz, espatolochizazión trans y "No Vat". De zaga d'as proposas elaboradas por as mesas de treballo se plegaron a las beniens rematanzas:

Luitas migrans: se recullirá n'as esplanicaduras d'o 28 de chunio lo nuestro compromís con as Sin Papers, a luita contra las güegas y os CIE’s. I seremos presens y potenziaremos todas as luitas contra 'encaramiento d'as leis de estrancheria mientres istas añadas. As compañeras de Madrid diseñarán un 28 de chunio arredol d'ista demba, con dibersas aizions. En Zaragoza ya comezipiorom a organizar-se contra a construzión de un nuebo ZIE (Centro de Internamento ta Estranchers) n'o que o gubierno prentende trancar a os migrans en ature que remanen en situgazión irregular n'a ciudat de zaga d'o remate d'a Expo. Tamiém intentaremos estar presens n'o benién No Border Camp que se reyalizará en l'estiy en Grezia.

Mercantilizazión: se analizon as estratechias con as que podemos barallar a mercantilizazión d'as nuestras sesualidaz y os mobimentos d'os loobies interpresarials, acompañaus de elites burocraticas como a FELGBT, que pretenden fer negozio budando a luita transmaribollera de conteniu pulitico ta tratar de combertir-la n'una identidat de consumo. Se anunzia un 28 de chunio de entimadura muy platera arredol d'ista demba.

No Vat: s'alcuerda entrenazionalizar a esperienzia italiana d'o No Vat (una alianza d'os mobimientos sozials ta desixir a disoluzión de l'Estau Baticano y a incherenzia d'a ilesia n'as nuestras bidas). Ya ye en marcha l'aprestanza de manifestazions en dibersas ziudaz ta febrero de 2010.

Espatolochizazión Trans: s'aprestan as manifestazions trans d'otubre de 2009 y se diseña unaa graniza campaña entrenazional t'as beniens tres añadas. N'o año 2012 ye prebista la rebisión d'o DSM4, an a transesualidat aparixe catalogada como patolochía, asinas que l'ochetibo ye creyar una graniza respuesta global parata forzar l'escatalogamiento n'ixa calendata. A campaña incluyirá esplanicaduras, chornadas y aizions locals y nazionals, y rematará con a zelebrazión d'un congreso entrenazional autibista por l'espatolochizazión y una graniza manifestazión global en Barzelona.

A benién arroclada d'a rete será n'o mes de nobiembre en Gipuzkoa, consonando con o Biltzarre de EHGAM, unas chornadas que se pretenden istoricas y an se pretende fer un chicot aturet ta pensar y reflesionar an i semos agora, de zaga de toz istos años de luita contra la norma.


y bellas imachens de l'arroclada: